काठमाडौं । चैत महिनाका लागि १७ वटा वाणिज्य बैंकहरुले ब्याजदर घटाएका छन् । पछिल्लो समय निरन्तर ब्याजदर घटाउँदै आएका बैंकहरुले चैत महिनाका लागि पनि घटाएका हुन् ।
१७ बैंकले ब्याजदर घटाउँदा २ वटाले भने स्थिर राखेका छन् । त्यसैगरी १ वटा बैंकले भने ब्याजदर बढाएको छ । ब्याजदर स्थिर राख्नेमा प्रभु बैंक र ग्लोबल आइएमई बैंक रहेका छन् । फागुन महिनाका लागि व्यक्तिगत निक्षेपको ग्लोबल आइएमईको ७.६ र प्रभुको ७.५ प्रतिशत रहेको थियो । चैतमा पनि सो दर कायम राखेका छन् ।
यता एनआइसी एशिया बैंकले भने ब्याजदर बढाएको छ । एनआइसीले चैतका लागि ८ प्रतिशतबाट ८.५४ प्रतिशत पुर्याएको छ ।
