काठमाडौं । दोस्रो बजारमा कारोबार भईरहेका अधिकांश वाणिज्य बैंकहरुको सेयर निकै सस्तो मूल्यमा पाउन थालेका छन् । पछिल्लो समय सेयर बजारमा आईरहेको गिरावट र बैंकहरुको वित्तीय विवरण पनि सन्तोषजनक आउन नसकेका कारण वाणिज्य बैंकहरुको सेयरमूल्य सस्तौ भाउमै पाइन थालेका हुन् ।
बैंकहरुको संस्थापक सेयर नभएर सर्वसाधारण समूह कै १० वटा कम्पनीको सेयर २ सय तल पाइन्छ । त्यसमा पनि ५ वटा बैंकको सेयर त बुक भ्यालु भन्दा पनि सस्तो छन् । अहिले दोस्रो बजारमा सर्वसाधारणतर्फ सबै भन्दा सस्तो सेयर कुमारी बैंकको रहेको छ । यो बैंकको सेयरमूल्य १३२ रुपैयाँ पुगेको छ । यो बैंकको बुक भ्यालु १३६.७ रुपैयाँ रहको छ ।
५ सय भन्दा कम भएका बैंक
२ सय भन्दा कम भएका बैंक
दोस्रो बजारमा एउटा समय हुन्छ, जब पैसा महंगो हुन्छ, तर सेयरको भाउ भने सस्तो हँदै जान्छ । अहिले दोस्रो बजारमा सेयरको मेला नै लागेको छ । त्यसैले, लगानीकर्ताले बजारमा हल्लाको पछि लागेर कसैले सामाजिक सञ्जालमा भनेकै भरमा लगानी गर्नु भन्दा यस्ता कम्पनीमा लगानी गर्नु अहिलेको अवस्थामा कम जोखिमपूर्ण हुने देखिन्छ ।
