काठमाडौं । कुमारी बैंकले २४औं वार्षिक साधारण सभा माघ २१ गतेका लागि आह्वान गरेको छ । शुक्रबार बसेको बैंक सञ्चालक समिति बैठकले माघ २१ गते बैंकको साधारण सभा आह्वान गर्ने निर्णय गरेको हो ।
बैंकले साधारण सभा प्रयोजनका लागि ११ माघमा बुक क्लोज गर्ने पनि जनाएको छ ।
बैंकका अनुसार सभामा गत आर्थिक वर्षको वार्षिक प्रतिवेदन, नाफा नोक्सान ,नगद प्रवाह विवरण लगायतमा छलफल हुनेछ । साथै, आर्थिक वर्ष २०८१–८२ का लागि लेखापरीक्षक नियुक्ति गरी निजको पारिश्रमिक निर्धारण गर्ने बैंकले जनाएको छ ।
