काठमाडौं । कतारमा इरानी मिसाइल आक्रमणपछि कतारको रक्षा मन्त्रायले अल उदैद एयर बेसलाई लक्षित गरी प्रक्षेपण गरिएको मिसाइल विफल भएको जानकारी दिएको छ ।
मन्त्रालयले एक विज्ञप्ती जारी गर्दै इरानी मिसाइल आक्रमणबाट कुनै पनि मानवीय क्षति नभएको स्पस्ट पारेको छ ।
यता, इरानको इस्लामिक रिभोल्युशनरी गार्ड कर्प्स (आईआरजीसी) ले एक विज्ञप्ति जारी गर्दै अमेरिकाले इरानको आणविक केन्द्रमाथि आक्रमण गरेपछि यसको जवाफ स्वरूप कतारको अल उदैद एयर बेसमाथि ‘शक्तिशाली र विनाशकारी मिसाइल आक्रमण’ गरिएको जनाएको छ ।
विज्ञप्तिमा भनिएको छ, ‘ईश्वर र इरानका इमानदार, गर्विलो जनतामा विश्वास राख्दै, इस्लामिक गणतन्त्र इरानले आफ्नो भू–अखण्डता, सार्वभौमिकता वा राष्ट्रिय सुरक्षामाथि भएको कुनै पनि आक्रमणलाई कहिल्यै विना उत्तर छोड्ने छैन।’
