काठमाडौं । सम्पत्ति शुद्धीकरण मुद्दामा १५ लाख रुपैयाँ धरौटी बुझाउन नसकेपछि युनुस अन्सारी जेल चलान भएका छन् ।
काठमाडौं जिल्ला अदालतका न्यायाधीश बलराम लम्सालको इजलासले सोमबार सम्पत्ति शुद्धीकरण मुद्दामा अन्सारीलाई १५ लाख धरौटीमा रिहा गर्न आदेश गरेको थियो ।
तर, अन्सारीले धरौटी रकम बुझाउन नसकेपछि उनलाई पुनः केन्द्रीय कारागार चलान गरिएको काठमाडौं जिल्ला अदालतका सूचना अधिकारी दीपककुमार श्रेष्ठले जानकारी दिए ।
नक्कली भारतीय रुपैयाँको कारोबार गरेको आरोपमा पक्राउ परेका अन्सारीले विभिन्न मुद्दा खेपिरहेका छन् ।
०७६ जेठमा अन्सारीसहित ६ जना सात करोड ७६ हजार भारतीय नक्कली नोटसहित त्रिभुवन विमानस्थलबाट पक्राउ परेका थिए ।
