काठमाडौं । सर्वोच्च अदालतले सरकारले गठन गरेको नेपाल रेडक्रस सोसाइटी तदर्थ समितिमा गठन गरेकोमा अल्पकालीन आदेश जारी गरेको छ ।
रेडक्रस सोसाइटीका पूर्व अध्यक्ष सुदर्शन नेपालले दायर गरेको रिटमा मंगलबार अदालतले आदेश दिँदै विपक्षीका नाममा कारण देखाउ आदेश जारी भएको हो । न्यायाधीश नित्यानन्द पाण्डेयको इजलासले कारण देखाउसहित अन्तरिम आदेश दिएको हो ।
सरकारले गठन गरेको तदर्थ समिति गठन गर्नुको कारण माग गर्दै सर्वोच्चले अल्पकालीन आदेश जारी गरेको हो ।
वर्तमान सरकारले कांग्रेस र एमालेबाट भागबन्डा हुनेगरी विनोद शर्माको नेतृत्वमा ९ सदस्यीय तदर्थ समिति गठन गरेको थियो । त्यसविरुद्ध पूर्व अध्यक्ष नेपालले सर्वोच्चमा रिट दायर गरेका थिए ।
