काठमाडौँ । बलात्कार गरेको ठहर गर्दै जिल्ला अदालत मकवानपुरले एक किशोरलाई १२ वर्ष कैद फैसला सुनाएको छ ।
जिल्ला न्यायाधीश गीता श्रेष्ठको इजलासले हेटौंडा उपमहागनरपालिका-७ का १७ वर्षीय किशोरलाई कैद फैसला गरेको हो । अदालतले पीडकबाट पीडितलाई ७ लाख रुपैयाँ क्षतिपूर्ति भराउने आदेश पनि गरेको छ । नाबालकले क्षतिपूर्ति रकम दिन नसक्ने भएकाले पीडित राहत कोषबाट पीडितलाई रकम उपलब्ध गराउनसमेत अदालतले आदेश गरेको छ ।
गत वैशाख २२ गते उनले १७ वर्षीया किशोरीलाई बलात्कार गरेका थिए । किशोर हेटौंडास्थित बालसुधार गृहमा रहेका छन् ।
