काठमाडौँ । नेपाल क्रिकेट संघ (क्यान)ले ‘हङकङ क्रिकेट सिक्स’ खेल्ने टोलीको घोषणा गरेको छ ।
क्रिकेट हङकङ, चीनको आयोजनामा आगामी नोभेम्बर १ देखि ३ सम्म हुने प्रतियोगिताका लागि क्यानले सन्दीप जोराको कप्तानीमा टोली घोषणा गरेको हो ।
टोलीमा सन्दीपसँगै लोकेश बम, नारायण जोशी, विवेक यादव, प्रतिश जिसी, दिपेन्द्र रावत र राशिद खान छन् । प्रशिक्षकको जिम्मेवारी ज्ञानेन्द्र मल्ललाई दिइएको छ ।
