काठमाडौं । इन्टर मिलानले युइएफए च्याम्पियन्स लिगमा आफ्नो अपराजित यात्रालाई चौथो खेलसम्म पनि कायम राखेको छ ।
घरेलु मैदान सान सिएरोनमा इन्टरले बुधबार आर्सनलविरुद्ध १-० को कठिन जित निकाल्यो ।
जितसँगै चार खेलमा १० अंक जोडेको इन्टर पाँचौं स्थानमा छ । पराजित आर्सनल समान खेलबाट सात अंकका साथ १२औं स्थानमा छ ।
हकान काल्हानोग्लुले गरेको एकमात्र गोल इन्टरको जितमा निर्णायक बन्यो । उनले पहिलो हाफको इन्जुरी समयमा पेनाल्टीमार्फत गोल गरेका थिए ।
काल्हानोग्लुकै प्रहारले मेहदी थरेमीलाई लाग्दै आर्सनलका मिडफिल्डर मिकेल मेरिनोको हातलाई छाएको थियो । भिएआरले इन्टरलाई पेनाल्टीका अवसर दियो । त्यसमा काल्हानोग्लु चुकेनन् ।
