काठमाडौं । इङ्लिस क्लब म्यानचेष्टर युनाइटेडले युरोपियन युरोपा लिगमा पहिलो जित निकालेको छ ।
बिहीबार राति घरेलु मैदान ओल्ड ट्राफोर्डमा युनाइटेडले पाओक एफसीलाई २–० ले हरायो । युनाइटेडको जितमा अमाड डिआलोले दुबै गोल गरेका थिए ।
चौथो खेलमा पहिलो जित निकालेको युनाइटेड ६ अंकसहित १५औं स्थानमा उक्लिएको छ । यसअघि युनाइटेडले तीन खेलमा अंक बाढेको थियो ।
पराजित ग्रीसको पाओकको जम्मा एक अंक छ । इटालिको लाजियो १२ अंकसहित शीर्ष स्थानमा छ ।
ग्रीस टोलीले खेलमा गोलका अवसर बनाएपछि सदुपयोग गर्न सकेन । ७३ हजार समर्थकमाझ युनाइटेड पहिलो हाफमा गोलविहिन भयो । ब्रुनो फर्नान्डेजको पासमा डिआलोले ५०औं मिनेटमा अग्रता बनाए । ७७औं मिनेटमा दोस्रो गोल गर्दै पहिलो तीन अंक दिलाएका हुन् ।
