काठमाडौं । लिग लिडर बार्सिलोनाले स्पेनिस ला लिगामा शनिबार रियाल भालाडोलिडविरुद्ध २-१ को पुनरागमन जित दर्ता गरेको छ ।
जितसँगै बार्सिलोनाले ३४ खेलमा ७९ अंक जोडेको छ । यो दोस्रो स्थानको रियाल मड्रिडको भन्दा सात अंक बढि हो ।
यता पराजित भाभालाडोलिड समान खेलबाट १९ अंकका साथ पुछारमा रहँदै रेलिगेसनमा परेको छ ।
होजे जोरिला रंगशालामा पाहुना टोली बार्सिलोनालाई जित दिलाउन राफिन्हा र फर्मिन लोपेजले गोल गरे । भालाडोलिडका लागि इभान सान्चेजले गोल गरे ।
खेलको छैंटौं मिनेटमा सञ्चेजको गोलमार्फत भालाडोलिडले अग्रता लिएको थियो । तर दोस्रो हाफमा ६ मिनेट भित्र दुई गोल गर्दै बार्सिलोनाले स्पष्ट तीन अंक जोड्यो । राफिन्हाले ५४ र लोपेजले ६०औं मिनेटमा गोल गरेका थिए ।
