काठमाडौं । अल नासरले साउदी सुपर कपमा मंगलबार अल इत्तिहादविरुद्ध २-१ को रोमाञ्चक जित निकालेको छ ।
हङकङ रंगशालामा अल नासरलाई जित दिलाउन साडियो माने र जोआओ फेलिक्सले गोल गरे । अल इत्तिहादका लागि स्टिवन बर्गविजनले गोल फर्काए ।
खेलको १०औं मिनेटमा मानेको गोलमार्फत अल नासरले अग्रता लिएको थियो । ६ मिनेटपछि नै बर्गविजनले अल इत्तिहादलाई बराबरीमा ल्याए ।
मानेले रातो कार्ड बेहोर्दै मैदान छाडेपछि २५औं मिनेटमा अल नासर १० खेलाडीमा समेटिएको थियो । फेलिक्सले ६१औं मिनेटमा गोल गर्दै अल नासरलाई २-१ को रोमाञ्चक जित दिलाए ।
अब अल नासरले उपाधिका लागि अल कादिसिया र अल अहलीको विजेतासँग प्रतिस्पर्धा गर्नेछ ।
