काठमाडौं । रास्वपा वरिष्ठ नेता बालेन्द्र शाहले जनकपुर पुगेर मैथिली भाषामा सम्बोधन गरेका छन् ।
सम्बोधनमा उनले काठमाडौंमा दैनिक रूपमा उखु किसान र मिटरब्याज पीडितको आन्दोलन चलिरहेको स्मरण गराउँदै आफू प्रधानमन्त्री बने ती समस्या समाधान गर्ने दाबी गरे ।
उनले भने, ‘अधिकार माग्न काठमाडौं जानु पर्दैन, पशुपति र स्वयम्भु घुम्न जानुस।’ उनले आफु काम गर्ने मान्छे भएको हुँदा एक पटक मौका दिन पनि आग्रह गरे ।
बालेनले मधेशमा पहिलोपटक सबै जात–समुदायका मानिसहरू एकै ठाउँमा जुटेको उल्लेख गर्दै देशको विकास भनेको सबै जात र समुदायको समान विकास हुनुपर्नेमा जोड दिए ।
बालेनले मेयरबाट राजीनामा दिएर फुर्सदमा भएको सुनाउँदै भने 'मधेशी प्रधानमन्त्री बन्नकै लागि होइन, सही सरकार बनाउन मत आवश्यक छ।’
