काठमाडौं । नेकपा एमालेकाे सचिवालय बैठकले महाधिवेशन प्रतिनिधि परिषद्को बैठक बोलाउने निर्णय गरेकाे छ ।
शुक्रबार बिहान पार्टी कार्यालय च्यासलमा बसेको एमाले सचिवालय बैठकले महाधिवेशन प्रतिनिधि परिषद्को बैठक बोलाउने निर्णय गरेको महासचिव शंकर पोखरेलले बताए ।
बैठकपछि पत्रकारसँग कुरा गर्दै पोखरेलले वैशाख ८ र ९ गतेका लागि महाधिवेशन प्रतिनिधि परिषद्को बैठक बोलाएको बताए । महाधिवेशन प्रतिनिधि परिषद्को वैशाख ८ र ९ गते बैठक आयोजना गर्ने र वैशाख १० मा पार्टीको ७५ औँ स्थापना दिवसको विशेष समारोह आयोजना गर्ने निर्णय गरेका सचिवालय बैठकले गरेकाे छ ।
प्रमुख सत्ता घटक बनेकाे कुरालाई बैठकले सकारात्मक रुपमा लिएकाे र माओवादीसँगकाे सहकार्य वाम गठवन्धन हुँदै वाम एकतातर्फ लैजानुपर्ने राय सचिवालयमा आएकाे उनले बताए ।
