काठमाडौं । इलाम क्षेत्र नं २ मा भएको उपनिर्वाचनको मतगणनामा नेकपा (एमाले) का उम्मेदवार सुहाङ नेम्बाङले अग्रता बढाएका छन् ।
पछिल्लो मत परिणामअनुसार उनले ८ हजार ८ सय ९८ मत प्राप्त गरेका छन् । नेपाली कांग्रेसका उम्मेदवार डम्बरबहादुर खड्काले ६ हजार २ सय ८० महतसहित पछ्याइरहेका छन् ।
यस्तै स्वतन्त्र उम्मेदवार डेकन्द्रसिंह लिम्बू थेगिमले चार हजार ६ सय ३४ मत पाएका छ । राष्ट्रिय स्वतन्त्र पार्टीका मिलनकुमार योङहाङ लिम्बूले एक हजार ३ सय ५ मतमै सिमित भएका छन् ।
एक लाख १५ हजार आठ सय ८९ मतदाता रहेको सो क्षेत्रमा ६९ हजार दुई सय ८७ मत खसेको थियो । उपनिर्वाचनमा १२ राजनीतिक दल र सात स्वतन्त्रसहित १९ जना चुनावी प्रतिस्पर्धामा छन् ।
