काठमाडौं । कान्तिपुर मिडिया ग्रुपका अध्यक्ष कैलाश सिरोहियालाई स्वास्थ्यमा थप समस्या आएपछि हेलिकोप्टरबाट काठमाडौं ल्याइएको छ ।
जनकपुरमा उपचार सम्भव नभएपछि चिकित्सकको सुझावमा उनलाई मंगलबार दिउँसो काठमाडौंको मेडिसिटी अस्पताल ल्याइएको हो ।
कान्तिपुर दैनिकका प्रधान सम्पादक उमेश चौहानले सिरोहियाको उपचार मेडिसिटीमै हुने बताए ।
नागरिकता प्रकरणमा सिरोहियालाई गत मंगलबार प्रहरीले नियन्त्रणमा लिएको थियो ।
जिल्ला अदालत धनुषाले अनुसन्धानको लागि म्याद थप्ने आदेश दिएसँगै उनी प्रहरीको हिरासतमा छन् । तर स्वास्थ्यमा समस्या आएपछि उनी जनकपुरको काव्या अस्पताल भर्ना भएका थिए ।
त्यहाँ पनि उनको उपचारमा समस्या भएपछि थप उपचारको लागि सिरोहियालाई काठमाडौं ल्याइएको हो ।
