काठमाडौं । गुण एयरलाइन्सले नेपाल नागरिक उड्डयन प्राधिकरणलाई तिर्न बाँकी ६ करोड ७३ लाख रुपैयाँ तिरेको छ । गुण एयलाइन्सले १ करोडको बैंक ग्यारेन्टी पनि राखेकोले अब जहाज उडाउन आवश्यक बाटो खुलेको छ ।
प्राधिकरणलाई बक्यौता बुझाएको यस अघि जफत भएको बैंक ग्यारेन्टी फुकुवा भएकाे छ । लामो समयदेखि गुण एयरलाइन्सले बक्यौता नबुझाउँदा जहाज उडान प्रभावित बनेको थियो । बक्यौता बुझाएसँगै प्रक्रिया पुरा गरेर जहाज उडानलाई निरन्तरता दिन लागेको गुण एयरलाइन्सका अध्यक्ष राजेन्द्र शाक्यले बताए ।
पहिलो चरणमा बीचक्राफ्ट नामका २ वटा जहाज उडाइने छ भने भने ५ वटा जेटस्ट्रीमलाई चाहिँ बिक्री गर्ने गरिने छ । ती जहाजलाई बिक्री गर्न राखिसकिएको छ । जेटस्ट्रीम बिक्री गरेर गुणले एटीआर ७२ नामका आन्तरिक उडानमा प्रयोग भइरहेको ठूला जहाज खोजेको शाक्यले जानकारी दिए ।
