काठमाडौँ । अख्तियार दुरुपयोग अनुसन्धान आयोगले नेपाली कांग्रेस सांसद टेकबहादुर गुरुङको निलम्बन फुकुवाविरुद्ध पुनरावेदन दर्ता गरेको छ ।
सर्वोच्चले फैसलाको पूर्णपाठ सार्वजनिक गरेपछि अख्तियार गुरुङको निलम्बन फुकुवा बदर हुनुपर्ने मागसहित सर्वोच्च पुगेको हो ।
यसअघिको निलम्बन फुकुवाको आदेश कार्यान्वयन नगर्न उपयुक्त आदेश अख्तियारले माग गरेको छ ।
मनाङबाट प्रतिनिधिसभा सदस्यमा निर्वाचित कांग्रेसका सांसद गुरुङ २०७९ पुस १२ गते निलम्बनमा परेका थिए । निलम्बन गरेपछि गुरुङले फागुन २१ गते रिट दायर गरेका थिए । उनको रिटमा न्यायाधिशद्वय मनोज शर्मा र विनोद शर्माको इजलासले निलम्बन फुकुवा गर्ने फैसला सुनाएको थियो ।
