बाँकेमा पाँच किलो अफिमसहित प्रहरीले दुई युवकलाई पक्राउ गरेको छ।
पक्राउ पर्नेमा जाजरकोट शिवालय गाउँपालिका-७ भिउसका ५५ वर्षीय रामबहादुर शाही र बारेकोट गाउँपालिका-८ सेपुखोलाका ३५ वर्षीय पूर्णबहादुर बिक रहेका छन।
सोमबार उनीहरुलाई पक्राउ गरेको बाँकेका प्रहरी प्रवक्ता डिएसपी नारायण डाँगीले जानकारी दिएका छन।
उनका अनुसार इलाका प्रहरी कार्यालय कोहलपुरबाट खटिएको टोलीले कोहलपुर नगरपालिका-१४ स्थित शंकास्वद देखिन्दा चेकजाँच गर्दा उनीहरूको साथमा अफिम फेला पारेको हो।
थप अनुसन्धानका लागि जिल्ला अदालत बाँकेबाट पाँच दिन म्याद थप गरिएको जनाइएको छ।
