काठमाडौं । न्याय परिषद्ले ३५ जिल्ला न्यायाधीश नियुक्तिको तयारी गरेको छ ।
न्याय परिषद्को स्रोतले दिएको जानकारी अनुसार न्याय परिषद्का पदाधिकारीबीच अनौपचारिक छलफलमा न्याय, सरकारी वकिल र कानुन समूहबाट कति जना समावेश गर्ने भन्ने टुंगो लागेको छ ।
हालसम्म तय भएको सूचीअनुसार, २५ जना अदालतकै कर्मचारीहरूबाट न्यायाधीश बन्ने भएका छन् । त्यसपछि सरकारी वकिल समूहबाट ६ जनाले न्यायाधीश बन्ने अवसर पाउँदै छन् । नेपाल सरकारका कानुन अधिकृतहरूबाट ४ जना न्यायाधीश बन्नेछन् ।
न्याय परिषद्को बैठक शुक्रबार बोलाइएको छ । सोही बैठकले जिल्ला अदालतमा न्यायाधीश नियुक्ति र पदस्थापनका लागि सिफारिस गर्ने तयारी छ ।
