काठमाडौं । भग्नावशेषसँगको ठक्करबाट बच्न आईएसएसको अन्तर्राष्ट्रिय अन्तरिक्ष स्टेशन कक्षलाई ९०० मिटर माथि उठाइएको बताइएको छ।
अन्तराष्ट्रिय समाचार एजेन्सीका अनुसार भग्नावशेषमा ठोकिन सक्ने सम्भावित जोखिमलाई हेरेर सो कक्षलाई माथि सारिएको हो । समाचार एजेन्सी तासले रुसी अन्तरिक्ष एजेन्सी रोस्कोस्मोसलाई उद्धृत गर्दै यो जानकारी दिएको हो। भग्नावशेषसँगको टक्करबाट बच्न आईएसएसको कक्षलाई त्यसबेला ९०० मिटर माथि उठाइएको बताइएको छ। प्रारम्भिक तथ्याङ्कअनुसार अन्तरिक्ष स्टेशनको कुल उचाइ पृथ्वीबाट ४१७.९८ किलोमिटरमा थियो।
अन्तर्राष्ट्रिय अन्तरिक्ष स्टेशन (आईएसएस), पृथ्वीबाट करिब ४०० किलोमिटर माथि अन्तरिक्षमा अवस्थित र पृथ्वीको परिक्रमा गर्ने, अन्तरिक्ष यात्रीहरूको दोस्रो घर हो। वैज्ञानिकहरूको टोली सधैं अन्तरिक्ष स्टेशनमा तैनाथ हुन्छ र त्यहाँबाट धेरै प्रकारका अन्तरिक्ष अभियानहरू पूरा गर्दछ। पृथ्वीको वरिपरि परिक्रमा गर्दा, अन्तरिक्ष स्टेशनले धेरै चुनौतीहरूको सामना गर्नुपर्छ।
सबैभन्दा ठूलो चुनौती मृत वा प्रयोगबिहिन भूउपग्रह (स्याटेलाइट) हरूको भग्नावशेष हो। यो भग्नावशेष वा अन्तरिक्ष फोहोर अन्तरिक्षमा घुमिरहन्छ र धेरै पटक स्पेस स्टेशनको अगाडि आउँछ। हालसालै यस्तै एक घटना भएको छ। अन्तरिक्ष स्टेशन कक्षीय भग्नावशेषको चपेटामा पर्नबाट जोगिएको छ। यो सबै त्यसबेला भयो जब एक कार्गो जहाज अन्तरिक्ष स्टेशनमा पुग्न लागिरहेको थियो।
