काठमाडौँ । सङ्घीय संसद् अन्तर्गतको संसदीय सुनुवाइ समितिको ५१ औँ बैठक आज बस्ने भएको छ । आज बिहान ११ बजे विकास, आर्थिक मामिला तथा सुशासन समितिको हलमा बैठक बस्न लागेको हो ।
बैठकमा सर्वोच्च अदालतको प्रस्तावित न्यायाधीशहरूको सुनुवाइ गर्ने कार्यसूची छ । सर्वोच्च अदालतका लागि प्रस्तावित न्यायाधीशद्वय नृपध्वज निरौला र नित्यानन्द पाण्डेमाथि परेको उजुरीउपर आज सुनुवाइ हुने भएको हो ।
न्यायपरिषद्ले गत असोजमा उच्च अदालत पाटनका मुख्य न्यायाधीश निरौला र उच्च अदालत तुलसीपुरका मुख्य न्यायाधीश पाण्डेलाई सर्वोच्चको न्यायाधीशमा सिफारिस गरेको थियो ।
