काठमाडौं । धनुषाको बरुझियाका निमावि तहका राहत शिक्षक ब्रह्मदेव यादव शिक्षक लाइसेन्ससम्बन्धी मुद्दामा दोषी ठहर भएका छन् । विशेष अदालतका न्यायाधीशहरू खुशीप्रसाद थारु, रामबहादुर थापा र मुरारीबाबु श्रेष्ठको इजलासले बिहीबार उनलाई दोषी ठहर गरेको हो ।
यादवलाई १० हजार रुपैयाँ जरिवानासहित तीन महिना कैद हुने फैसला गरिएको छ । उनले शिक्षक सेवा आयोगबाट जारी भएको भनेर नक्कली शिक्षक स्थायी अध्यापन अनुमतिपत्र पेस गरी ०६३ सालदेखि जागिर खाएका थिए ।
