काठमाडौं । गणपूरक संख्या नपुगेपछि अर्थ समितिको बैठक स्थगित भएको छ । प्रतिनिधिसभाअन्तर्गतको अर्थसमिति बैठकमा १२ सांसद उपस्थित हुनुपर्नेमा आठ जनामात्रै उपस्थित भएपछि बैठक स्थगित गरिएको हो ।
नेकपा (माओवादी केन्द्र) की सांसद गंगा कार्कीले गणपूरक संख्या नपुर्याएरै बैठक सञ्चालन गरिएको भन्दै विरोध जनाएकी थिइन् । उनले सत्तापक्षका सांसद नै बैठकमा उपस्थित नहुनु राम्रो नभएको र कोरम नपुगेर बैठक बस्न नमिल्ने बताइन् ।
उनको विरोधपछि समितिका सभापति सन्तोष चालिसेले बैठक स्थगित गरे ।
