काठमाडौं । श्रीमतीको हत्या आरोपमा धादिङबाट एकजना पक्राउ परेका छन् ।
धुनीबेँसी नगरपालिका–१, डुम्रेचौरका २७ वर्षीय रामचन्द्र बयलकोटीलाई प्रहरीले पक्राउ गरेको हो ।
२० वर्षीया पवित्रालाई आइतबार दिउँसो बयलकोटीले स्थानीय कच्ची सडकमा धारिलो हतियार प्रहार गर्दा उनको घटनास्थलमै मृत्यु भएको वाग्मती प्रदेश प्रहरी कार्यालयले जनाएको छ ।
हतियार प्रहारपछि फरार रहेका बलयकोटीलाई राति करिब पौने ११ बजे धुनीबेँसी–७, खानीखोलाबाट नियन्त्रणमा लिइएको प्रहरीले जनाएको छ ।
आइतबारै राति शव पोस्टमार्टमका निम्ति काठमाडौंको महाराजगन्जस्थित त्रिवि शिक्षण अस्पतालमा ल्याइएको प्रहरीले जनाएको छ ।
