काठमाडौं । नेपाल स्टक एक्सचेञ्जमा तयार भएको बुलको प्रतिमा ६ महिनादेखि अलपत्र परेको छ । गत भदौमा नै तयार भएको नेप्से बुलको हालसम्म पनि उद्घाटन हुन सकेको छैन । बुल निर्माणका क्रममा अनियमितताको आरोपमा अख्तियारमा उजूरी पर पछि नेप्से बुलको उद्घाटन अलपत्र परेको हो ।
पछिल्लोपटक लगानीकर्ताहरुले नेप्सेको प्राङ्गणमा बनेको बुललाई बाच्छो भनेर टिप्पणी गरेपछि नेप्सेले बुलमा जुरो हाल्ने काम गरेको थियो । यहि बीचमा अख्तियारमा उजूरी परेपछि नेप्से प्राङ्गणमा तयार भएको नेप्से बुल अब तत्कालै उद्घाटन हनु नसक्ने देखिएको छ । तर नेप्सेका अधिकारीले भने ठेकेदारले काम नसकेको भन्दै उद्घाटनमा ढिला भएको बताउँदै आएका छन् ।
विश्वका प्रायःजसो स्टक मार्केटमा बुलको प्रतिमा राखिएको हुन्छ । अमेरिकाको न्यूयोर्कमा सन् १९८९ मा बुलको प्रतिमा राखिएको थियो । त्यहाँस्थित आरटुरो डी मोडिका नाम गरेका कालिगढले बुलको प्रतिमा राखेका थिए । जुन ठाउँ अहिले पर्यटकको आकर्षक गन्तव्य बनेको छ । अमेरिकामा सन् १९८७ को वियर मार्केट पछि बुलको प्रतिमा राखिएको थियो ।
नेपालमा पनि लगानीकर्ताहरुको लामो समयको माग पछि नेप्सेको प्राङ्गणमा बुलको प्रतिमा राखिएको हो । तर यो बुल भने तयार भएको लामो समयसम्म पनि उद्घाट्न हुन सकेको छैन ।
