काठमाडौं । देशभरका कानुन व्यवसायीहरूको छाता संगठन नेपाल बार एसोसिएसनको नयाँ नेतृत्वका लागि आगामी चैत २३ गते हुने भएको छ ।
नेपाल बारको बिहीबार बसेको कार्यसमिति बैठकले निर्वाचनको मिति तय गरेको अध्यक्ष गोपालकृष्ण घिमिरेले हुलाक प्रेसलाई जानकारी दिए ।
देशभरका कानुन व्यवसायीले प्रत्यक्ष मतदान गर्ने चुनावबाट २७ औँ कार्यसमिति चयन गर्नेछन् । कार्यसमिति २५ सदस्यीय रहनेछ ।
नेपाली कांग्रेस र नेकपा एमालेनिकट संगठनहरू नेतृत्वका मुख्य दाबेदार छन् । यसपालि सरकारमा यी दुवै दलको गठबन्धन भएकाले बारमा कस्तो समीकरण बन्छ भन्ने स्पष्ट भइसकेको छैन ।
