काठमाडौं । त्रिभुवन विमानस्थल भन्सार कार्यालयले दुबईबाट अवैधरुपमा ल्याइएको साढे ६ किलो सुन बरामद गरेको छ ।
दुबईबाट फ्लाई दुबईको उडानमार्फत् काठमाडौं आएका इजिप्सियन नागरिक मोहमदले लुकाएर ल्याएको सुन शनिबार राती भन्सार कार्यालयले बरामद गरेको हो ।
त्रिभुवन विमानस्थल भन्सार कार्यालय प्रमुख टोकराज पाण्डेले शनिबार राति साढे ६ किलो सुन बरामद भएको पुष्टि गरेका छन् ।
मोहमदले भित्रि ज्याकेटको खल्तीमा साढे ६ किलो सुन धुलो बनाएर लुकाएर ल्याएका थिए । विमानस्थल भन्सार कार्यालयलाई आएको गोप्य सूचनाको आधारमा प्रहरी र भन्सारको संयुक्त टोलीले मोहमदलाई नियन्त्रणमा लिएको थियो ।
यस विषयमा थप अनुसन्धान भइरहेको विमानस्थल पाण्डेले बताए ।
यसअघि गत शुक्रबार विमानस्थलबाट गोरखाका चन्द्र घलेलाई १४ किलो सुन सहित प्रहरीले पक्राउ गरेको थियो।
