काठमाडौँ । काठमाडौंबाट सोलुखुम्बुको लुक्ला उडेको तारा एयरको कार्गो जहाजको आपत्तकालिन ढोकाको सिसा खसेको छ ।
तारा एयरको नाइन एन एएलओ कल साइनको जहाज बिहान ९ः३१ मा काठमाडौंबाट ११ सय २६ केजी सामान लिएर जाँदै गर्दा आपत्तकालिन ढोकाको सिसा खसेको हो ।
त्रिभुवन अन्तर्राष्ट्रिय विमानस्थलका प्रवक्ता सुवास झाले जहाँज ल्याण्ड गरिसक्दा आपत्तकालिन ढोकाको सिसा नदेखिएको बताए ।
उक्त जहाजको आपतकालीन ढोकाको सिसा काठमाडौंबाट उड्ने क्रममा सामान्य रहेको तर बीच रुटमै खसेको आंकलन गरिएको छ ।
जहाज सकुसल अवतरण गरिएको र जहाजमा सवार दुई जना यात्री पनि सकुशल रहेको प्रवक्ता झाले बताएका छन् ।
