विराटनगर । मोरङको विराटनगरस्थित नेपाल–भारत सीमामा एक युवकमाथि गोली प्रहार गरिएको छ ।
आइतबार साँझ विराटनगर महानगरपालिका–८, मधुमाराका २७ वर्षीय निर्दोष संग्रौलामाथि नेपाल–भारत सीमामा गोली प्रहार भएको प्रहरीले जनाएको छ ।
भारतीय क्षेत्रमा अज्ञात समूहले उनीमाथि गोली प्रहार गर्दा उनको बायाँ तिघ्रामा गोली लागेको जिल्ला प्रहरी कार्यालय मोरङका प्रवक्ता एवं डीएसपी रञ्जनकुमार दाहालले बताएका छन् ।
दहालका अनुसार उनको सशस्त्र प्रहरीले उद्धार गरी कोशी अस्पताल विराटनगर ल्याइ उपचार भइरहेका छ ।
संग्रौला खतरमुक्त भएको र थप अनुसन्धान भइरहेको डीएसपी दहाललले बताए ।
