काठमाडौं । ललितपुरमा एक युवकको हत्या आरोपमा प्रहरीले एकजनालाई पक्राउ गरेको छ ।
ललितपुरको महालक्ष्मी नगरपालिका ४ ओचु हाइटमा ३० वर्षीय रिपक खातीको हत्या आरोपमा रामेछाप घर भएका २५ वर्षीय सुमन रसाइली पक्राउ परेका हुन् ।
गएराति करिब ११ बजेतिर रसाइलीले आपसी विवादका क्रममा खुकुरी प्रहार गरेर खातीको हत्या गरेको प्रहरीले जनाएको छ ।
हत्या आरोपी दीपक रसाइलीलाई राति नै इमाडोल प्रहरीले नियन्त्रणमा लिएर जिल्ला प्रहरी परिसर ललितपुरमा जिम्मा लगाएको थियो ।
हत्याको अनुसन्धान भइरहेको ललितपुर प्रहरी परिसरका एसएसपी श्यामकृष्ण अधिकारीले जानकारी दिए ।
