काठमाडौं । भारत प्रशासित जम्मू कश्मीरमा बन्दुकधारीहरूले पर्यटकहरूमाथि गोली चलाउँदा मृत्यु हुनेमा एक नेपाली रहेको पुष्टि भएको छ ।
मृत्यु हुनेमा बुटवल उपमहानगरपालिका वडा नम्बर १४ का सुदीप न्यौपाने रहेको गृह प्रसाशनले पुष्टि गरेको हो ।
केही दिन अगाडि आमा, बहिनी र ज्वाँइसँग न्यौपाने कस्मीर घुम्न गएका थिए । 'भारतको स्विट्जरल्यान्ड' भनेर चिनिने कश्मीरस्थित लोकप्रिय पर्यटकीय स्थल पहलगाममा आतंकवादीको हमलामा परी कम्तीमा २६ जनाको मृत्यु भएको थियो ।
सुदीपको शव बुधबार नेपाल ल्याउने तयारी भइरहेको छ । नयाँ दिल्लीस्थित नेपाली दूतावासले सुदीपको शवलाई उनकी आमा र दुई नातेदारसँगै नेपाल पठाउन लागेको जनाएको छ ।
