काठमाडौं । मंगलबार बसेको प्रतिनिधिसभा बैठकमा नेकपा (एमाले)का सांसद ठाकुर गैरेले शिक्षक आन्दोलनलाई सत्ता ढाल्ने अस्त्र बनाउन खोजिएको बताएका छन् ।
आजको बैठकमा बोल्दै गैरेले आन्दोलनलाई सत्ता ढाल्ने अस्त्र बनाउने, सरकारलाई अप्ठ्यारो बनाउने प्रयास गरिएको टिप्पणी गरेका हुन् ।
उनले सरकार ढालेर प्रधानमन्त्री बन्ने असफल प्रयास बन्द गर्न पनि आग्रह गरे ।
उनले भने, “पेसागत, संवेदनशील आन्दोलनलाई सत्ता ढाल्ने अस्त्र बनाउने, सरकारलाई अप्ठ्यारो बनाउने, सरकार ढाल्ने र त्यसैबाट आफू प्रधानमन्त्री हुने असफल प्रयत्न बन्द हुनुपर्छ । ”
बुधबार (वैशाख १७) सम्ममा वार्ता निष्कर्षमा पुर्याउनेतर्फ उनले सरकारको ध्यानाकर्षण गराए ।
