काठमाडौं । सर्वोच्च अदालतले राप्रपाका बरिष्ठ उपाध्यक्ष रवीन्द्र मिश्रलाई थुनामुक्त गर्न आदेश जारी गरेको छ ।
शुक्रबार न्यायाधीशहरू डा. कुमार चुडाल र तिलप्रसाद श्रेष्ठको इजलासले मिश्रलाई थुनामुक्त हुन आदेश दिएको हो ।
श्रीमती सारिका कार्कीले वैशाख ३० मा सर्वोच्चमा बन्दीप्रत्यक्षीकरणको रिट दर्ता गरेकोमा आजको सुनुवाईमा मिश्रलाई हाजिर जमानीमा थुनामुक्त हुन आदेश जारी भएको हो ।
यसअघि सातपटकसम्म काठमाडौं जिल्ला अदालतबाट म्याद थप भइ मिश्र ४८ दिन थुनामा रहेका थिए ।
गएको चैत १५ गते काठमाडौंको तीनकुनेमा राजावादीको प्रदर्शन हिंसात्मक बनेपछि जिल्ला प्रहरी परिसर काठमाडौंले उनीहरूमाथि सो विषयमा अनुसन्धान गरिरहेको थियो ।
