काठमाडौं । आज बिहान बालुवाटारमा बसेको सत्ता गठबन्धनका शीर्ष नेताहरूको बैठकले गृहमन्त्री रमेश लेखकले राजीनामा दिनुनपर्ने निष्कर्ष निकालेको छ ।
प्रधानमन्त्री केपी शर्मा ओली, कांग्रेस सभापति शेरबहादुर देउवा, गृहमन्त्री लेखकसहित दुवै दलका प्रमुख सचेतक सहभागी बैठकले गृहमन्त्रीले राजीनामा नदिने बरु सदनमा जवाफ दिने निष्कर्ष निकालेको हो ।
भिजिट भिषा प्रकरणमा गृहमन्त्रीले राजीनामा दिनुपर्ने भन्दै विपक्षी दलले मंगलबार पनि सदन अबरोध गरेका थिए ।
विरोधपछि आज बसेको सत्ता गठबन्धनको बैठकले छानविन समिति पनि नबन्ने र राजीनामा पनि दिनुनपर्ने निष्कर्ष निकालेको हो ।
यता विपक्षी दलहरुले गृहमन्त्रीको राजीनामा आउनैपर्ने नआए आजको संसद पनि अबरोध गर्ने जनाएका छन् । विरोधका कारण आज बस्ने भनिएको ११ बजेको प्रतिनिधिसभाको बैठक अहिलेसम्म पनि बस्न सकेको छैन ।
