काठमाडौं । बिहान ११ बजे बस्ने भनिएको प्रतिनिधिसभाको बैठक २ घण्टा ढिलो गरी सुरु भएलगत्तै आधा घण्टाको लागि स्थगित भएको छ ।
गृहमन्त्री रमेश लेखक भिजिट भिषा प्रकरणमा मुछिएपछि उनको राजीनामाको माग गर्दै विपक्षी दलहरुले अबरोध गरेपछि सभामुख देवराज घिमिरेले सदन आधा घण्टाको लागि स्थगित भएको जनाएका हुन् ।
सत्तापक्षका प्रमुख दल नेकपा एमाले र नेपाली कांग्रेसका शीर्ष नेताहरु यही विषयमा बालुवाटारमा छलफलमा जुटेका थिए ।
बैठकले गृहमन्त्रीको राजीनामा सम्बन्धी विपक्षी दलको मागलाई अस्वीकार गर्दै बैठकमा गृहमन्त्रीबाट जवाफ दिने निर्णय गरेको छ ।
सदनमा सभामुख देवराज घिमिरेले गृहमन्त्री रमेश लेखकले सदनमा बोल्न समय माग गरेको र उनले बोल्ने वातावरण मिलाउन विपक्षी दलका नेताहरुसँग आग्रह गरेका थिए ।
तर विपक्षी दलले अवरोध कायम गरेपछि सभामुखले संसद आधा घण्टाको लागि स्थगित गरेका हुन् ।
