काठमाडौं । पूर्वमन्त्री मोहम्मद अफ्ताब आलमको स्वास्थ्य अवस्थामा सुधार हुँदै गएको अस्पताल प्रशासनले जनाएको छ ।
शुक्रबार बिहान शरीर राम्रोसँग नचलेको र बोलीमा समस्या आएपछि आलमलाई अन्नपूर्ण न्यूरो अस्पतालमा उपचार गरिएको थियो । उनलाई मस्तिस्क घात भएको अस्पताल प्रशासनले जनाएको छ ।
आईसीयूमा उपचाररत आलमको स्वास्थ्य अवस्थामा क्रमिक सुधार भएको प्रशासनले जनाएको छ ।
जिल्ला अदालतको जन्म कैदको सजाय उच्च अदालतले उल्ट्याएपछि केही दिन अगाडी मात्र आलम जेलबाट छुटेका थिए ।
