काठमाडौँ । नेकपा एमाले निकट प्रगतिशील तथा पेशागत कानून व्यवसायी संगठनको अध्यक्षमा वरिष्ठ अधिवक्ता अमर थापा विजयी भएका छन् । उनले २५६ मत प्राप्त गरी आफ्ना प्रतिद्वन्द्वी ओमप्रसाद थपलियालाई २१३ मतमा सीमित गर्दै अध्यक्ष पदमा बाजी मारेका हुन् ।
संगठनको खुला उपाध्यक्षमा भिमसेन बन्जरा निर्विरोध निर्वाचित भएका छन्। महिला उपाध्यक्षमा यसोदा देवी खरेलले ३०५ मतसहित जित हासिल गर्दा उनकी निकटतम प्रतिद्वन्द्वी हिमा देवी बस्नेतले १५२ मत प्राप्त गरिन् ।
महासचिव पदमा भुवन प्रसाद निरौला १६३ मतका साथ विजयी भएका छन् । यस पदमा चूडामणि पौडेलले ७४ मत, शिव अर्यालले ११६ मत, देवी प्रसाद भट्टराईले ८३ मत र शान्तिराम खतिवडाले २७ मत पाएका थिए ।
त्यसैगरी, उपमहासचिवमा बाबुराम राई २१७ मतका साथ विजयी भएका छन् । यस पदका अन्य उम्मेदवार बालकृष्ण आचार्यले १२१ मत र सहकुल खत्रीले ११८ मत प्राप्त गरेका थिए ।
खुला सचिव पदमा युवक कुमार गौतम १३९ मतसहित विजयी भएका छन् भने मुकुन्द प्रसाद अधिकारी १३१ मतका साथ निर्वाचित भएका छन् । अधिकारी र हरिप्रसाद मैनालीको समान १३१ मत आएपछि गोलाप्रथाबाट अधिकारी विजयी भएका हुन् ।
महिला सचिव पदमा अनिता गुरुङ २२७ मतका साथ विजयी भएकी छिन् । उनका प्रतिद्वन्द्वी राधिका खतिवडाले २२२ मत प्राप्त गरिन् ।
