काठमाडौँको गौशलाबाट हतियारसहित २ जना पक्राउ परेका छन्।
प्रहरी वृत्त गौशालाको टोलीले गौशालास्थित तीलगंगाबाट कटुवा पेस्तोल र त्यसको म्यागजिनसहित २ जनालाई पक्राउ गरेको हो ।
पक्राउ पर्नेमा महोत्तरीका सुरेशकुमार राम र दिनेशकुमार राम रहेका छन् ।
सोमबार दिउँसो २ बजेतिर उनीहरुले हतियार लुकाएर राखेको सूचनाका आधारमा तिलगंगामा प्रहरी पुगेको थियो ।
काठमाडौँ उपत्यका प्रहरी कार्यालय रानीपोखरी र प्रहरी वृत्त गौशालाबाट खटिएको प्रहरी टोलीले यहाँस्थित एउटा घरमा डेरा गरी बस्ने २९ वर्षका सुरेश र २६ वर्षका दिनेशलाई पक्राउ गरेको हो ।
कोठामा किटक्याट लेखिएको बट्टाभित्र लुकाई छिपाई राखेको अवस्थामा कटुवा पिस्तोल एउटा र म्यागजिन २ थान बरामद गरिएको काठमाडौँ प्रहरी परिसरका प्रवक्ता एसपी अपीलराज बोहराले बताए ।
