काठमाडौं । नेकपा (एमाले)का अध्यक्ष तथा प्रधानमन्त्री केपी शर्मा ओली र पूर्वराष्ट्रपति विद्यादेवी भण्डारीबीच भेटवार्ता हुने भएको छ ।
आज दिउँसो ३ बजे पार्टी कार्यालय च्यासलमा भेट हुने तय भएको भण्डारीका स्वकीय राजकुमार राईले जानकारी दिए ।
पूर्वराष्ट्रपति भण्डारी राजनीतिमा आउने भएपछि उनको पार्टी सदस्यता नवीकरणबारे विवाद सुरु भएको छ ।
अध्यक्ष ओलीले भण्डारीको राजनीतिमा प्रवेशबारे थाहा नभएको प्रतिक्रिया दिँदै आएका छन् ।
पार्टीको पोलिटब्युरो कमिटी बैठकमा भण्डारीको सदस्यता नवीकरणबारे विवाद भएपछि अध्यक्ष ओलीलाई भण्डारीसँग वार्ता गर्न नेताहरूले सुझाएका थिए ।
