काठमाडौं । ललितपुरमा हत्या आरोपमा प्रहरीले एकजनालाई पक्राउ गरेको छ । पक्राउ पर्नेमा ललितपुर महानगरपालिका–२७, सुनाकोठीका ३० वर्षीय मदनबहादुर स्याङतान छन् ।
आफ्नी श्रीमती २० वर्षीया डोल्मा वाइवाको हत्या गरेको उनीमाथि आरोप छ । शनिबार (साउन १०) बिहान मदनलाई पक्राउ गरिएको प्रहरी प्रधान कार्यालयले जनाएको छ ।
विवादका क्रममा मदनले चक्कु प्रहार गरी डोल्माको हत्या गरेको भन्ने सूचनापछि प्रहरी टोली खटिएको थियो । घटनाबारे थप अनुसन्धान गरिरहेको प्रहरीले जनाएको छ ।
