काठमाडौं । प्रहरी प्रधान कार्यालय नक्सालले आफूखुसी कार्यालयमा गैरहाजिर रहेकलाई सम्पर्कमा आउन निर्देशन दिएको छ ।
प्रहरी महानिरीक्षकको कार्यालयले सूचना जारी गर्दै आफूखुसी कार्यालयमा गैरहाजिर रहेको र खोजतलास गर्दागराउँदा समेत उपस्थित नहुने २१ प्रहरीलाई सात दिनभित्र हाजिर हुन निर्देशन दिएको हो ।
प्रहरी प्रधान कार्यालयले उनीहरूलाई सात दिनभित्र गैरहाजिर रहनुको कारणसहितको स्पष्टीकरणसहित कार्यालयमा हाजिर हुन निर्देशन दिएको र सात दिनभित्र पनि सम्पर्कमा नआए प्रहरी नियमावलीका अनुसार सेवाबाट हटाइने चेतावनी समेत प्रहरी प्रधान कार्यालय दिएको छ ।
