डोल्पा । लगातारको वर्षासँगै डोल्पाको ठूली भेरी नदीमा पानीको सतहले खतराको तह पार गरेको छ ।
जल तथा मौसम विज्ञान विभागले आज बिहान ८ः०५ बजे ठूली भेरीको त्रिपुराकोट जलमापन केन्द्रमा जलसतहले खतराको तह पार गरेको जनाउँदै तटीय क्षेत्रका बासिन्दालाई उच्च सतर्कता अपनाउन आग्रह गरेको छ । नदीमा पानीको बहाव बढ्दो क्रममा रहेकाले बाढी र कटानको जोखिम बढेको हो ।
नदीको तटीय क्षेत्र र आसपासका होचा भूभागमा रहनेहरूलाई आज दिनभर नै सुरक्षित तथा अग्लो स्थानमा रहन र आवश्यक सतर्कता अपनाउन विशेष अनुरोध गरिएको छ ।
