काठमाडौं । राष्ट्रिय मानवअधिकार आयोगले राष्ट्रिय स्वतन्त्र पार्टी (रास्वपा) का सभापति रवि लामिछाने बसेको रुपन्देही कारागारको कोठामा आधारभूत सुविधाहरुको अभाव रहेको टिप्पणी गरेको छ ।
राष्ट्रिय मानवअधिकार आयोगका प्रतिनिधिहरुले सभापति लामिछाने बसेको रुपन्देही कारागारको कोठामा अनुगमनपछि वातानुकूलित एसी नरहेको, झ्याल प्लाई उडले टालेर बन्द भएको स्पस्ट पारेका हुन् ।
राष्ट्रिय मानवअधिकार आयोगकी प्रवक्ता लिली थापाले क्षमताभन्दा अत्यधिक संख्यामा कैदी बन्दी राखिएको, कारागारभित्र पर्याप्त शौचालय नरहेको र भएका शौचालयको अवस्था पनि राम्रो नभएको बताइन् ।
लामिछाने बसेको कोठामा ब्लकभित्र झ्याल टालिएको, हावा पास हुने अवस्था नदेखिएको, कोठामा एउटा चाइनिज र अर्को पार्टी प्यालेसमा प्रयोग हुने ठूलो गरी दुई ओटा पंखा रहेको जानकारी दिइन् ।
