काठमाडौँ । सुन्धारा स्थित केन्द्रीय कारागारबाट भागेका केशव प्रसाद दुलाल र सानु भण्डारीलाई प्रहरीले पक्राउ गरेको छ ।
नक्कली भुटानी शरणार्थी प्रकरणमा पुर्पक्षको लागी थुनामा रहेका उनीहरू जेनजी प्रदर्शनको क्रममा भदौ २४ मा कारागारबाट भागेका थिए ।
उपत्यका अपराध अनुसन्धान कार्यालयबाट खटिएको प्रहरीले उनीहरूलाई ललितपुरको धापाखेलबाट पक्राउ गरेर कारागारमा बुझाएको छ ।
शरणार्थी प्रकरणमा संलग्न अर्का प्रतिवादी टोपबहादुर रायमाझी आफैँ कारागारमा उपस्थित भएका छन् । उनलाई डिल्लीबजार कारागारमा स्थानान्तरण गरिएको छ ।
