काठमाडौँ । छठ पर्वको तेस्रो दिन आज जनकपुरधामको पवित्र सरोवर गङ्गासागर घाटमा गृहमन्त्री ओमप्रकाश अर्यालले छठीमाताको दर्शन गरेका छन् ।
सोमबार उनले छठीमाताको दर्शन गरेका हुन् । त्यसअवसरमा गृहमन्त्री अर्यालले अमनचयन शान्ति र सद्भावको कामना गरे ।
उनले तोकिएको समयमा समयमा निर्वाचन हुने समेत बताए । यसका लागि सरकारले वातावरण बनाइरहेको गृहमन्त्री अर्यालले बताए ।
आगामी प्रतिनिधिसभाको निर्वाचन र शान्ति सुरक्षाका विषयमा जानकारी लिन गृहमन्त्री ओमप्रकाश अर्यालसहित उद्योग र कानुनमन्त्री अनिलकुमार सिन्हा, युवा तथा खेलकुदमन्त्री बब्लु गुप्ता तथा गृहसचिव रामेश्वर दङ्गाल जनकपुर पुगेका थिए ।
