काठमाडौँ । वैदेशिक रोजगार विभाग ईपीएस कोरिया शाखालेले ईपीएस परीक्षाका लागि आवेदन फारम भर्ने म्याद २ दिन थप गरेको छ ।
कोरियामा पानी जहाज निर्माण क्षेत्रका लागि आवेदन दिएकाहरूलाई उत्पादनमूलक क्षेत्रका लागि फारम भर्ने म्याद पुस २० गतेसम्मका लागि शाखाले थप गरेको हो ।
यसअघि आवेदन दिने समय १६ गतेदेखि १८ गतेसम्मका लागि तोकिएको थियो । वर्तमान परिस्थितिलाई मध्यनजर गर्दै २ दिन म्याद थप गरिएको वैदेशिक रोजगार विभागका महानिर्देशक डण्डुराज घिमिरेले बताए ।
गत शुक्रबार रोजगार अनुमति प्रणाली (ईपीएस) आवेदन फारम भर्न नपाएको भन्दै बालकुमारी क्षेत्रमा युवाहरुले गरेको प्रदर्शनका क्रममा प्रहरीले दमन गर्दा २ जनाको मृत्यु भएको थियो ।
यसअघि सन् २०२३ मा एउटा क्षेत्रमा आवेदन फारम भरेकाहरूलाई अर्कोमा भर्न नपाउने भन्दै उत्पादनमूलक क्षेत्रका लागि आवेदन दिन रोक लगाइएको थियो ।
त्यो क्रममा १ लाख ४३ हजारभन्दा बढीले आवेदन दिएका थिए ।
