काठमाडौँ । सर्वोच्च अदालतका न्यायाधीशलाई बारम्बार धम्की दिएको आरोपमा प्रहरीले राजकुमार तिमल्सिनालाई पक्राउ गरेको छ । पछिल्लो समय कारागारबाट भागेपछि उनले निरन्तर सर्वोच्चका न्यायाधीशलाई लाञ्छाना लगाउँदै आइरहेका थिए । सिधाकुरा अनलाइनले प्रसारण गरेको फेक अडिओ तयार गर्ने तिमिल्सेना जेनजी आन्दोलनका दिन भदौ २४ गते केन्द्रीय कारागारबाट भागेका थिए । उनलाई न्यायाधीशमाथि धम्की दिएको आरोपमा पनि अनुसन्धान हुनेछ ।
तिमिल्सिनालाई पोखराबाट पक्राउ गरेको काठमाडौँ उपत्यका अपराध अनुसन्धान कार्यालयका प्रवक्ता एसपी काजीकुमार आचार्यले बताए।
गएको असोज १३ गते सर्वोच्च अदालतले उक्त अडिओ फेक भएको ठहर गर्दै राजकुमारलाई ६ महिना कैदको फैसला सुनाएको थियो। सोही फैसला अनुसार कैद भुक्तान गरिरहेका उनी जेनजी आन्दोलनका वेला भागेका थिए।
जेनजी आन्दोलनपछि फरार भएका उनले सामाजिक सञ्जालमार्फत न्यायाधीशहरूलाई गाली गरिरहेको पाइएको छ। झुटा र काल्पनिक अडिओ उत्पादन गरेर उनले अदालतको अवहेलना गरेको सर्वोच्चका ९ न्यायाधीशको इजलासले ठहर गरेको छ।
