काठमाडौं । प्रमुख सत्तारुढ दल नेपाली कांग्रेसले केन्द्रीय कार्यसम्पादन समितिको बैठक बोलाएको छ।
बिहीबार पार्टीका मुख्यसचिव कृष्णप्रसाद पौडेलले सूचना जारी गर्दै पुस २१ गते शनिबार दिउँसो १ बजेका लागि बैठक बोलाइएको जानकारी दिएका छन्।
बैठक पार्टी केन्द्रीय कार्यालय बीपी स्मृति भवन बीपी नगर ललितपुरमा बस्नेछ। बैठकमा केन्द्रीय कार्यसम्पादन समितिका पदाधिकारी तथा सदस्यहरुलाई उपस्थित हुन भनिएको छ।
