काठमाडौं । देशका धेरै स्थानमा आज (फागुन २१) मौसम सफा रहने पूर्वानुमान छ ।
दिउँसो कोसी, वाग्मती, गण्डकी र लुम्बिनी प्रदेशका पहाडी र हिमाली भूभागमा आंशिक बादल लाग्ने मौसम पूर्वानुमान महाशाखाले जनाएको छ ।
“बाँकी भूभागमा मौसम मुख्यतया सफा रहनेछ । तराई भूभागका केही स्थानहरूमा बिहानको समयमा हुस्सु रहनेछ र दिउँसो मौसम मुख्यतया सफा रहनेछ,” महाशाखाले बिहीबार बिहान जारी गरेको मौसम पूर्वानुमान बुलेटिनमा उल्लेख छ ।
महाशाखाका अनुसार, हाल देशमा पश्चिमी वायुको आंशिक प्रभाव छ ।
यस दिन राति कोसी, वाग्मती र गण्डकी प्रदेशका पहाडी र हिमाली भूभागमा आंशिक बादल लाग्ने महाशाखाले जनाएको छ । “बाँकी भूभागमा मौसम मुख्यतया सफा रहनेछ,” महाशाखाले भनेको छ, “तराई भूभागका थोरै स्थानहरूमा तुँवालो रहनेछ ।”
